वनस्पतीशास्ञ विभागामार्फत राष्ट्रीय विज्ञान दिनानिमित्त व्याख्यानाचे आजोजन
*वनस्पतीशास्ञ विभागामार्फत राष्ट्रीय विज्ञान दिनानिमित्त व्याख्यानाचे आजोजन*
🌻🌱🌻🌱🌻🌱🌻🌱
इचलकरंजी - येथील डी. के. ए. एस. सी.कॉलेजमध्ये *राष्ट्रीय विज्ञान दिनानिमित्त* वनस्पतीशास्त्र विभाग ,सायन्स असोसिएशन व अंतर्गत गुणवत्ता हमी कक्ष यांच्यावतीने *प्रा.शेखर ए.मोहिते सर* यांचे व्याख्यान आयोजित करण्यात आले होते. यावेळी बोलताना प्रा.शेखर मोहिते म्हणाले ,“UNESCO World Natural Heritage Site”समाविष्ट असे *कास पठार* विविधरंगी फुलांसाठी प्रसिद्ध आहे. येथील जैवविविधता व पठारावर फुलणाऱ्या दुर्मीळ फुलांना टिकवायचे असेल तर कास पठाराचे संवर्धन होणे गरजेचे आहे.त्याचे सखोल शास्त्रीय संशोधन आणि डोळस संरक्षण व्हायला हवे.
अध्यक्षीय भाषणात प्रभारी प्राचार्य *डॉ. व्ही.एस.ढेकळे* यांनी विद्यार्थ्यांना मार्गदर्शन केले,तसेच कास पठार हे फुलांसाठी एकमेव नैसर्गिक वारसा स्थळ म्हणून नामांकन प्राप्त झालेले ठिकाण आहे व त्याचे संवर्धन करणे आपणा सर्वांचे कर्त्यव्य आहे,असे सांगितले. कार्यक्रमाचे प्रास्ताविक, स्वागत व पाहुण्यांचा परिचय वनस्पती शास्ञ विभागप्रमुख डॉ.एस्. टी.इंगळे यांनी करून दिला. आभार डॉ.मधुमती शिंदे यांनी मानले. तर सूत्रसंचालन डॉ.आम्रपाली कट्टी यांनी केले .याप्रसंगी डॉ.संदीप गावडे,प्रा.सौ.भारती दोपारे , प्रा.सौ.उर्मिला चौगुले,विविध राज्यातील शिक्षक , शिक्षकेतरवर्ग,विद्यार्थी- विद्यार्थिनी उपस्थित होते.
Comments
Post a Comment